Ракометната репрезентација на Македонија вечерва го игра вториот натпревар на Европското првенство, кое се одржува во Скопје, Љубљана, Целје и Подгорица.
Девојките предводени од селекторот Љубомир Савевски на стартот очекувано беа поразени од фаворитот Франција со десет гола разлика, а сега за противник ќе имаат уште еден ракометен гигант.
Втор противник на Македонија ќе ѝ биде селекцијата на Холандија која во првото коло славеше минимално против Романија (29:28), а на пресметката со нашиот национален состав влегуваат како големи фаворитки. Против Франција македонските ракометарки беа под големи импресии, првпат истрчаа на еден голем собир и тој грч се виде на стартот на натпреварот. Очекуваме дека против Холанѓанките, нашите репрезентативки да одиграат многу подобро.
Селекторот Савевски во повеќе наврати наппоменуваше дека сега е важно да се гради тим за иднината, младите девојки да соберат искуство играјќи на големата сцена, но секако се надеваат дека можат да дојдат барем до едно изненадување.
Натпреварот Македонија – Холандија се игра денес во 18:00 часот во СЦ „Борис Трајковски“, додека последниот меч во групата Македонија ќе го игра е в среда против Романија.