Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Ракомет»Македонија против Романија за продолжување на шансите за главна фаза на ЕП
    Ракомет

    Македонија против Романија за продолжување на шансите за главна фаза на ЕП

    risteBy riste20/01/2026No Comments2 Mins Read
    Facebook Twitter Pinterest LinkedIn Tumblr Email

    Македонската ракометна репрезентација по одиграните нерешени 29:29 против Португалија и денот одмор, денеска го игра третиот натпревар од групата Б во Хернинг, а противник е селекцијата на Романија.

    Досега со Романија имаме одиграно 6 официјални натпревари и тоа во квалификации или бараж средби за плсаман на ЕП или СП.

    Првиот двомеч го имавме во 1997 година, во Скопје нашата репрезентација славеше со 35:22, а во Орадеа, Романија победи со со 32:25.

    Втор пат Македонија и Романија се сретнаа во 2018 година кога на домашен терен победивме со убедливи 32:24, а во Клуж загубивме минимално со 26:25.

    Последните два натпревари беа дел од квалификациите за СП 2023, кога во март 2022 година исто така победивме во Скопје со 30:22, а во Букурешт загубивме со 24:22.

    Ова покажува дека во досегашните шест натпревари секоја селекција победувала пред својата публика, никогаш немале успех на теренот на противнникот.

    Ова е впрочем прв натпревар на едно големо натпреварување за двете селекции, секако дека Македонија е многу поуспешна во последните години. Романија својата последна победа на едно ЕП ја има остварено пред точно 30 години кога во 1996 година во Шпанија ја победија Унгарија.

    Денешниот натпревар е многу важен за нашите ракометари затоа што со победа ќе ги задржат шансите и надежите за пласман во главната рунда на ЕП во Данска, Норвешка и Шведска. По првите две кола, Македонија има еден бод, додека Португалија 3, со евентуална победа ќе се израмниме според бројот на бодови со Португалија, но нашата гол разлика е лоша (-12), а Португалија има (+6), па затоа не само што мораме да ја победиме Романија, туку и таа победа да биде што е можно по убедлива за да ја подобриме нашата гол разлика. Потоа би го чекале исходот од дуелот на Данска и Португалија кој исто така ќе би бил од големо значење за нас. Во случај на победа на Македонија против Романија ќе чекаме Данска убедливо да ја совлада Португалија.

    Поради повредите кои ги заработија Иван Џонов и Петар Атанасијевиќ, селекторот Лазаров дополнително го повика Гоце Ојлески кој синоќа пристигна во Хернинг за да помогне на денешниот дуел.

    Средбата меѓу Македонија и Романија се игра вечерва од 18 часот во „Јуске Банк Боксен“ арената во Хернинг, а ќе го судат Бојан Лах и Давид Сок од Словенија.

    Share. Facebook Twitter Pinterest LinkedIn Tumblr Email

    Related Posts

    Јака Малус на крајот на сезоната заминува од Вардар?

    15/11/2026

    Во меч со пресврти: Вардар славеше на дербито со Алкалоид

    14/11/2026

    Валах останува во Вардар до 2028 година

    13/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.