Македонската ракометна репрезентација денеска (18 часот) го игра вториот меч на Президент Купот, а вкупно петти на Светското првенство.
По трите порази кои ги имавме во групната фаза, нашите ракометари во Плоцк го имаа првиот триумф, убедливо го совладаа Алжир со 40:25. Оваа победа и беше потребна на нашите ракометари за да ја подобрат атмосферата по „високите“ порази во Краков.
„По три порази во групната фаза, навистина ни требаше да победиме. Секоја победа е важна за самодовербата и атмосферата во тимот. Президент Купот е познат како утешен турнир, но секоја победа на Светското првенство не радува”, изјави Никола Митревски, капитенот на нашата ракометна репрезентација. Македонија и Тунис играат вечерва од 18 часот во Плоцк.