Да се дојде до победа против Аргентина,одбраната ќегтреба да одигра на повисоко ниво, а секако и голманите да иимаат свој ден. Никола Митревски, голманот и капитен на нашата репрезентација пред клучниот меч со Аргентина зборуваше за тоа што ни недостасува за да дојдеме до посакуваната победа.
„Како што сите пишувавте, ние бевме аутсајдери во оваа група, а поразите се преголеми. Покажавме квалитет во дел од натпреварите. Со Норвешка имавме по пет минути во првото и второто полувреме во кои дозволивме 11 разлика. Против Холандија, пак, во околу 19 минути имавме заостанување од 3-23, што е огромна разлика. Мислам дека тоа е цената на неискуството, имаме седум дебитанти во тимот. Без оглед на тоа што имаме и искусни ракометари, игравме против класа репрезентации. Со Аргентина сметам дека имаме реални шанси да победиме. Како и секогаш, и кога сме имале добри или лоши натпревари, голманите зависат од одбраната. Без силна одбрана, ти можеш да имаш и 15 интервенции, а тоа е бадијала. Се надевам ќе бидеме сконцентрирани, прелесно паѓавме, со една грешка или загубена топка. Доколку го избришеме тоа во нашата игра, имаме шанса да се носиме со посилни од нас. Сите играат брзо, трчаат тие, а трчаме и ние. Кој ќе направи помалку грешки, тој ќе победи. Без разлика на минатото, се фокусираме на сегашноста и на натпреварот со Аргентина кој може да ни донесе пласман во главната рунда од СП“, рече Митревски.