Она што се најавуваше во текот на изминатите недели, денес доби потврда од страна на раководството на СЕХА Гаспром лигата. Потпишан е договор со украинскиот првак Мотор Запорожје кој и официјално се приклучува кон СЕХА лигата од следната сезона. Уште еден стандарден учесник на групната фаза на Лигата на шампионите ќе го подигне нивото на регионалната лига и ќе биде ривал на македонските претставници вардар и Еурофарм Работник.
„Се сретнавме во Виена, но денес официјално го потпишавме договорот. Драго ни е што екипа со таков престиж и регуларно место во Лигата на шампионите ќе игра во нашата лига. Мотор ќе продолжи да игра и во украинското првенство и во Европа, а со оглед што следната година СЕХА лигата се дели на две групи со по шест екипи, ќе си најде место и во нашето натпреварување“, изјави Михајло Михајловски, претседател на СЕХА.
Своето задоволство не го криеше ни претседателот на украинскиот првак Олимпи Покотов.
„Ова е значаен чекор напред во историјата на нашиот клуб. Наша цел е да се пласираме на „фајнал фор“ на СЕХА лигата и во долгедно време и да го освоиме натпреварувањето. Ние сме амбициозен клуб и едвај чекаме да започне натпреварувањето“ истакна Покотов.
Со приклучувањето на Мотор, скоро е комплетиран е списокот на тимови за следната сезона. Недостига само 12-от член. Потсетуваме дека освен враќањето на Веспрем и најновото приклучување на Мотор, дебитант оваа сезона ќе биде и екипа од Кина која ќе настапува во Хрватска.