Ракометарите на Вардар со пораз се враќаат од Пирините. Тие вчера загубија на теренот на Бенфика во меч од Европската лига. Владо Недановски кој е дел од раководната структура во „црвено-црниот“ табор, во изјавата од Лисабон за Спортско радио 90,3 ФМ, направи кратка анализа на мечот.
„Добро одигравме само во првите 15 минути. Потоа имавме многу технички грешки и промашени шутеви. Со таква игра не може да се освојат бодови иако во еден период се вративме на помала негатива но, немаше можност за пресврт. Бенфика е одличен состав на сите позиции“ – вели Недановски кој ја опиша и сликата околу стадионот пред мечот Бенфика-Реал Мадрид во Лигата на шампионите.
„Бевме во истиот спортски комплекс а атмосферата беше главно фудбалска. Кога пристигнавме ги видовме домашните навивачи и фановите на Реал. Се практично беше подредено на тој дуел. Во салата имаше малку публика“ – рече Недановски.

