Тимур Дибиров ќе го носи дресот на Вардар и во следната сезона, најмалку до јуни 2023 година, со можност за продолжување на соработката. Веста ја потврдија денеска од клубот. Вардар и левото крило се договориле за продолжување на соработката со што Русинот ќе ја игра 10-тата сезона во Скопје.
Тој е еден од оние ракометари со најдолг стаж во клубот со кого се поврзауваат и најголемите клупски успеси на Вардар. Миленик на публиката и голем мотиватор на екипата.
„Среќен сум што отанувам во Вардар. Не можам да се замислам во друг дрес и друг клуб. Им благодарам на сите за поддршката што ми ја даваат. Со клубот се договоривме за продолжување на соработката и заедно да постигнуваме резултати како и досега, изјави Тимур Дибиров.
Левото крило дојде во Вардар во 2013 година и оттогаш има освоено седум шампионски титули и седум куп титули.