Мислите на нашите ракометари се веќе насочени кон вториот натпревар на СП во Полска и Шведска. Се прават анализи за играта на противникот, но и корекција на сопствените грешки. Жарко Пешевски, кружниот напаѓач на Македонија, говореше за Холандија и нивниот стил на игра, како и за тоа како ние се подготвуваме за тоа.
„Холандија игра брз ракомет, не е скандинавска екипа, но се работи за квалитетен тим. Имаме шанси да ги победиме, но мора да бидеме на високо ниво во текот на целиот натпревар. Анализите за овој меч ги правиме во текот на денепниот ден, а ќепродолжиме и утре, ние ќе се обидеме тактички да бидеме подобри. На Холандија ѝ посветивме најмногу внимание и се надевам дека ќе покажеме дека неслучајно сме овде. Мора да играме многу подобра одбрана од натпреварите во изминатиот период и да имаме трпелив напад. Ако се враќаме навремено, ќе најдеме решение за сите играчи на противникот“ рече Пешевски.
Македонската навивачка „Фаланга“ би требало утре да биде во поголем број бидејќи е викенд и дел од нашите иселеници во околните земји ќе допатуваат во Краков за да ја бодрат нашата репрезентација.