По поразот од Холандија со 24:34, разочарувањето кај нашите ракметари е големо,но и реални се во своите изјави дека не поправиле ништо во однос на мечот со Норвешка и дека се повторуваат истите грешки. Жарко Пешевски вели дека и покрај поразот се надеваат да исполнување на нашата цел, а тоа е пласман во главната рунда.
„Се подготвувавме и знаевме како игра Холандија. Бевме спремни, но веројатно притисокот си го направи своето. Промашивме зицери, направивме технички грешки, игравме мртво и во одбрана и во напад. Имаше некои убави моменти кога се враќавме во игра, посебно во второто полувреме, но имаше повторно „црна дупка“ од 5 минути во која не постигнувавме голови и правевме грешки. Овие свирежи од навивачите ќе ни бидат поттик за во иднина да бидеме подобри. Македонија губела и победувала и претходно и искрено се надевам дека ќе се подготвиме добро замечот со Аргентина, пасо победа да се пласираме во следниот круг“, изјави Пешевски.