Левиот бек на РК Партизан, Стефан Петриќ, е на чекор до преселба во редовите на двократниот европски шампион Вардар, пишуваат српските медиуми. Контактите меѓу скопскиот гигант и играчот на белградските „црно-бели“ биле воспоставени пред неколку недели и по се изгледа, Петриќ ќе се пресели во Скопје на стартот на новата сезона.
Договорот на Петриќ со Партизан истекува во јуни, а за неговите услуги интерес има и од португалски Порто.
Стефан Петриќ е син на екс репрезентативецот на Југославија и поранешен ракометар на Вардар, Владимир Петриќ, кој го носеше дресот на нашиот тим четири години.