Почна продажбата на билетите за големото градско ракометно дерби меѓу Вардар и Алкалоид, кое ќе се одигра в сабота, 14 ноември, со почеток во 18:30 часот, во Т-Арената во СЦ „Борис Трајковски“.
Цената на билетот е 300 денари, а влезниците се достапни преку платформата VTICKETS. Седиштата нема да бидат нумерирани, па гледачите ќе можат да изберат блок во кој ќе го следат натпреварот.
Навивачите на Вардар, „Комити“, ќе бидат сместени во блокот 1, додека за гостинските навивачи е наменет блокот 15. Централните блокови 3 и 13 ќе бидат резервирани за сопствениците на сезонски билети.
Влезот во салата ќе биде преку главниот влез, од страната на големиот паркинг.

