Остануваат уште 11 дена до почетокот на завршниот турнир од СЕХА лигата, а денес стартува продажбата на поединечните влезници за натпреварите кои ќе се играат на 13 и 15 април во СЦ „Јане Сандански“.
Од 22 март до вчера се продаваа блок влезниците кои беа за двата дена(4 натпревари) по цена од 300 денари,а од денес ќе се продаваат поединечни влезници за првиот и вториот ден по цена од 200 денари. Од страна на СЕХА се задоволни како тече продажбата и информираат дека половина од капацитетот на СЦ „Јане Сандански“ е продаден, па може да се очекува дека ќе има убава посета на завршните натпревари од СЕХА лигата.
Ракометарите на Вардар на првиот натпревар од Ф4 турнирот ќе играат против Мешков Брест на 13-ти април од 17.45, додека во второто полуфинале од 20.15 часот се среќаваат ППД Загреб и Целје. Завршните натпревари се во истиот термин на 15-ти април.