Машката кадетска репрезентација на Македонија не успеа да дојде до втора победа против Полска на ЕХФ шампионатот и на крајот заврши со пораз во финалето кое се одигра во Скопје.
Македонија загуби во финалниот натпревар со 33:35, а со тоа на крајот мораше да се задоволи со второто место во ова натпреварување. Во првиот дел се играше доста изедначено, а на одмор се замине без предност на некоја од репрезентациите, односно 17:17.
Второто полувреме продолжи во ист стил, но Полска направи предност која беше недостижнаа до крајот за нашите ракометари.македонија успеа да се закани и да намали на 34:32, но до крајот следуваа уште по еден гол на двете екипи за конечни 35:33 за Полска.
Македонија сега ќе чека добри вести од ЕХФ за квалификации како второпласирана од ова натпреварување.