Ракометарите на Вардар повторно ќе бидат дел од натпреварите во ЕХФ Лигата на шампионите. Кам-бекот на европската сцена на домашен терен во Скопје ќе биде на 16 септември, кога во СЦ „Јане Сандански“ гостува француски Нант.
Од клубот информираат дека билетите веќе се пуштени во продажба. Тие можат да се набават онлајн, по цени од 400, 500 и 600 денари, зависно од местото во салата.
Вардар ги повика своите навивачи да го исполнат „Јане Сандански“ и да му дадат поддршка на тимот на првиот домашен европски натпревар во новата сезона.
Пресметката меѓу Вардар и Нант на 16 септември ќе се одигра во терминот од 18:45 часот. Претходно Вардар во првото коло ќе му гостуваат на Мелсунген на 10 септември (четврток) од 20.45 часот.

