Ракометната машката сениорска репрезентација на Македонија попладнево во Скопје ќе го има првиот собир по настапот на Европското првенство во Хрватска.
Нашите ракометари во овој период на подготовки кој е активен низ цела Европа и е наречен „ЕХФ недела на ракометот“ ќе се подготвува во Скопје, а при тоа ќе одигра еден контролен натпревар и тоа од затворен карактер, против селекцијата на Русија. Оваа средба ќе биде одиграна во сабота, а нема да биде дозволено присуство на поблика и медиуми. Селекторот Раул Гонзалез, за овие подготовки се одлучи да направи одредени измени во составот на нашата селекција, па нема да бида присутни неколку играчи кои беа дел од ЕП во Хрватска.
Филип Миркуловски, Аце Јоновски, Немања Прибак и Филип Лазаров се ракометарите кои нема да бидат на овој собир на нашата репрезентација. На денешниот собир и прв тренинг најавено е дека нема да присуствуваат Кире Лазаров, Борко Ристовски и Мартин Серафимов. Првите двајца ќе доцнат поради обврските што ги имаа со своите клубови во Лигата на шампионите, додека Серафимов е со кадетската репрезентација на турнир во Унгарија.
Првиот тренинг ќе го одржат денеска од 18:00 часот во „Вип арената“ на СЦ „Борис Трајковски“.Ова треба да биде подготовка на нашата репрезентација за бараж квалификациите за СП во Германија и Данска што ќе се играат во јуни. Македонија за противник во јуни ќе ја има Романија. Најнапред ќе играме во Скопје, а реваншот ќе се игра во Клуж.