По неколку дена одмор, нашите ракометни репрезентативци од денес ги продолжуваат подготовките за СП во Германија и Данска.
Селекторот Раул Гонзалез од денес има на располагање 20 ракометари со кои ќеги реализира следните тренинзе. Според програмата додека репрезентацијата се подготвува за настап на СП, утре (четврток) РФМ заедно со репрезентативците ќе го промовира новиот дрес со кој ќе настапуваат во Германија и Данска.
На 3 јанауари од 14 часот во продавницата на „Д-Спорт“ која се наоѓа под Јужната трибина на националната арена „Филип Втори“ ќе може да го видиме новиот дрес на нашата ракометна репрезентација, а ракометарите пред спортската јавност ќе ги видиме во петок на 4.јануари кога ќе го одиграат првиот од двата контролни натпревари против селекцијата на Србија. Овој натпревар ќе биде од отворен карактер и ќеможе да го проследат сите љубители на ракометот, а ќе започне од 20 часот и влезот е слободен.
Вториот натпрева кој ќе се игра на 5 јануари ќе биде од затворен тип и ќе биде последна можност за да се испробаат сите варијанти на селекторот Раул. Македонија патува за Германија на 9 јануари, а по два дена за адаптација својот прв натпревар ќе го игра против Јапонија на 11 јануари.

