Женската ракометна репрезентација на Македонија е поразена од Турција (24:25) на првиот од двата контролни натпревари кои ќе се играат во Анкара.
Нашиот национален тим во рамките на ЕХФ-неделата договори две подготвителни средби со Турција. На првиот дуел, Македонија на полувреме беше во негатива од два гола (11:13), а потоа на крајот го заврши натпреварот со пораз од еден гола разлика (24:25).
Вториот контролен дуел против Турција, избраничките на селекторот Љубомир Савевски ќе го одиграат на 4 март, исто така во Анкара. Овие два дуели се подготовка за баражот за СП 2023 против селекцијата на Украина.

