Македонската ракометна репрезентација ја очекува настап на Светското првенство во Полска и Шведска. Избраниците на Кирил Лазаров ќе играат во Краков, во група заедно со Норвешка, Холандија и Аргентина.
Нашите ракометари имаат тешка мисија за пласман во главната рунда, а пред стартот на СП, РФМ на вонреден состанок ги одреди премиите за пласман за поминување на групата.
Максималната премија која ракометарите можат да ја добијат е 60.000 евра, истата ќе ја поделат доколку групната фаза ја завршат со три победи. Доколку Македонија групната фаза ја заврши со две победи и секако завери пласман во главната рунда, премијата изнесува 45.000 евра. Една победа и пласман во главната рунда носат 30.000 евра.
Нашите ракометари за Краков патуваат утре, веќе следниот ден, на 13. јануари, го играат првиот меч, за противник ја имаат селекцијата на Норвешка. Оваа репрезентација е најголемиот фаворит во нашата група, но и покрај тоа нашите ракометари најавија дека нема да се предаваат пред почетокот на натпреварот.