Шпанската кошаркарска репрезентација која синоќа го освои златото на Евробаскетот 2022 се најде на третото место по бројот на освоени златни медали на Европските првенства. Шпанците во финалната средба во Берлин ја победија француската репрезентација со 88:76 и по четвртипат во историјата станаа освојувачи на континенталната титула.
Лидер по бројот н освоени европски злата и натаму е селекцијата на поранешниот Советски Сојуз (14), додека поранешна Југославија има 8 европски злата.
Репрезентативецот на Шпанија и кошаркар на Торонто Репторс, Хуан Ернангомес стана најдобар стрелец во финалето на Евробаскет 2022 година со 27 поени.