Ден пред заминување за Шопрон каде ги чекаат натпреварите од ФИБА „Челенцер“ турнирот, селекторот на нашата машка репрезентација „Под 20“ години, Тони Симиќ го направи конечниот избор на 12. кошаркари кои ќе се појават на овој турнир во Унгарија.
Изборот не е оној кој го посакуваше Симиќ, особено ако се земе в предвид дека носителите на играта на оваа селекција, Лејсон Зекири и Андреј Андоноски се прекомандувани во А селекцијата.
Но затоа пак добра вест за стручниот штаб во кој освен Симиќ се уште и Нермин Пепиќ и Никола Велев е враќањето на тренинзите на Лука Савиќевиќ.
Бекот на МЗТ Скопје Уни Банка веќе одработи неколку заеднички тренинзи, и се очекува до почетокот на натпреварите во ова ново ФИБА натпреварување да биде подготвен да го даде својот максимум.
Македонија е дел од групата „Д“ во која се уште и селекциите на Романија, Луксембург и Швајцарија.
Список на играчи кои се избор на селекторот Тини Симиќ:
Данаил Иванов, Дарио Митевски, Богдан Мирковски, Љубиша Димитровски, Павел Данаиловски, Лука Савиќевиќ, Давид Наумовски, Виктор Исајлоски, Таулант Ибраими, Филип Ѓорѓиев, Никола Груевски и Кристијан Столевски.