Владата на денешната вонредна седница донесе одлука да биде прогласена тридневна жалост на територијата на целата држава по трагичниот настан во Тетово.
За денови на жалост се прогласени денеска, утре и задутре (четврток, петок и сабота) а за време на деновите на жалост знамето на нашава земја ќе биде истакнато на половина копје. Владата апелира до сите општествени чинители да ги одложат сите јавни и приватни прослави, забави, културно-уметнички и спортски настани, партиски и друг тип на промоции предвидени за трите дена.
По одлуката на Влата, сосема очекувано РФМ ги одложи денешните мечеви во Супер-лигата со кои требаше да започне новата сезона. Тие ќе бидат реализирани в недела.