Од денес Македонија и Скопје се домаќини на 32 ракометни репрезентации кои се дел од Светското првенство за кадетки.
Ракометната репрезентација на Македонија за девојки до 18 години е предводена од Љубомир Савевски и ќе настапи во групата Б, со селекциите на Сенегал, Узбекистан и Иран. Девојките до 18 години во тоа гледаат солидна шанса да се обезбеди една од првите две позиции и да се пласираат во главната фаза на натпреварувањето.
Патот на овој Мундијал за македонските ракометарки стартува денес против Сенегал во 20:30 часот во СЦ „Борис Трајковски“. Првиот ривал на Македонија има проблем, бидејќи доцни со пристигнувањето во Скопје. Сенегалките заглавија на аеродром во Истанбул, па постои можности да допатуваат директно за натпреварот.
Веќе утре Македонија ја очекува нов предизвик против Узбекистан, а на втори август ќе играат против Иран, сите натпревари се закажани во терминот од 20:30 часот.
Натпреварите на Македонија во групата Б:
Македонија – Сенегал (сабота, 20:30 часот)
Македонија – Узбекистан (недела, 20:30 часот)
Иран – Македонија (вторник, 20:30 часот)
Освен во салата „Борис Трајковски“, натпревари од овој Мундијал за ракометарки до 18 години ќе се играат во двете сали при СЦ „Јане Сандански“, главната и малата.