Откако стигнаа и последните номинации за Ол-Стар тимот во ракометната Лига на шампиони се формираа листите од кои со гласање ќе се избере идеалниот тим на сезоната во најквалитетното европско клупско натпреварување.
За секоја позиција во комбинација се по тројца ракометари. На списокот на номинации се и тројца играчи на Вардар.
Како што е познато од тренерите во тимот беа вклучени голманот Дејан Милосављев и десниот бек Даинис Кристопанс, додека дописниците на ЕХФ му дадоа место во тимот на Тимур Дибиров.
За играчите ќе се гласа по што ќе бидат познати најдобрите на секоја од седумте позиции, а ќе бидат избрани и најдобриот дефанзивец, млад ракометар и тренер.