Ракометарите на Вардар славеа во последниот натпревар од плеј-офот во Суперлигата против Металург со 29:33 и на тоја начин со максимални 10 победи ја завршија сезоната во домашниот шампионат.
Иако од претходно беше обезбедена титулата во македонскиот шампионат, поради киксот на Металург против Еурофарм Работник, сепак Вардар одигра максимално коректно не дозволи домашниот тим да помисли на позитивен резултат на оваа средба.
Играчите на Вардар, Лука Циндриќ, Мијајло Марсениќ, Жоан Кањељас и Хорхе Македа, за последен пат вечерва го носеа „црвено-црниот“ дрес, додека повредените Арпад Штербик и Илија Абутовиќ не беа во составот за оваа средба. Тренерот Раул Гонзалез исто така за последен пат го водеше Вардар на еден натпревар.
Вардар не дозволи изненадување и по почетните неколку минути дојде до предност која ја задржа на крајот на првиот дил кога на одмор заминаа со водство од 15:19. Во вториот дел Вардар успеа да дојде до водство од +6, односно 25:19, а потоа да дозволи Металург да ја намали предноста на само два гола разлика 23:25, но тоа беше се што можеше да направи домашната екипа, затоа што финишот му припадна на Вардар кој дојде до победа од 33:29.
Најдобри стрелци во екипата на Вардар беа Кристопанс со пет и Циндриќ со четири голови, додека кај Металург Илиќ постигна шест погодоци, додека Пешевски беше стрелец на пет гола.