Ракометарите на Вардар се новите освојувачи на трофејот на Струшкиот ракометен турнир. Во синоќешното финале, македонскиот шампион славеше со 33:32 против Еурофарм Пелистер и успеа да им се реваншира на битолчани за поразот во Суперкупот.
Мечот заврши по продолженија од 2х5 минути, откако во регуларниот дел беше нерешено, 28:28. Тимур Дибиров со 10 гола беше најефикасен кај Вардар, додека Радовиќ постигна 7 гола кај Е. Пелистер.
Тимур Дибиров од Вардар, е прогласен за најдобар играч на годинешното издание на традиционалниот летен ракометен собир. Наградата за најдобар голман отиде во рацете на унгарскиот чувар на мрежата на Е. Пелистер, Мартон Секељи, додека најдобар стрелец на турнирот е Златко Мојсоски од Бутел.