Ракометарите на Вардар иако загубија од ППД Загреб на гостински терен (25:22), сепак ќе играат на завршниот Ф4-турнир во СЕХА-лигата кој следната седмица ќе се игра во Задар.
Вардар славеше со четири гола во Скопје, а во Хрватска иако имаа добар резултат на десет минути пред крајот и беа пред победа, сепак, на крајот се бореа до последен момент за да ја зачуваат предноста од првата средба.
Вардар ја продолжи традицијата на учество на Ф4-турнирите и од 2011 година е дел од сите завршници во СЕХА. За разлика од Вардар, Загреб за првпат нема да игра на овој турнир. Вардарци во полуфиналето ќе играат со Мешков Брест, додека втората полуфинална двојка ја сочинуваат Веспрем и Мотор Запорожје.
Во првиот дел не се играше многу ефикасно и Загреб замина на одмор со предност од 12:10. По паузата ракометарите на Вардар, влегоа фуриозно и со четири гола во низа направија пресврт (12:14). Одличен на голот беше Мартин Томовски, кој успеа да направи серија на неколку одбрани кои му донесоа предност на Вардар. Позитивата од два гола беше доволна да се игра мирно, но Загреб фати приклучок на пет минути пред крајот (21:21), а со два гола во серија дојдоа и до предност 23:21, но сепак на крајот имаа шанса и за повисока победа, откако поведоа со 25:21, а Вардар во последните секунди постигна гол преку Жереми Тото за конечни 25:22 и решавање на сите дилеми на оваа средба.
Дибиров со 6 и Тото со 4 погодоци беа најефикансите во редовите на Вардар, додека Мартин Томовски ја заврши средбата со 12 одбрани.