Ракометарите на Вардар го претрпеа првиот сезонски пораз во групната фаза во Лигата на шампионите.Тие денеска загубија на гостувањето кај Киелце со 31 спрема 27 (16:15).
Полскиот тим во текот на целиот меч ја имаше контролата врз играта и резултатот и на крајот сосема заслужено прокнижи нови бодови. Вардарци имаа само повремени блескави моменти што не беше доволно да се избегне првиот пораз. Во редовите на „црвено-црните“ најпрецизни беа Скубе и Дибиров со по шест голови додека кај домаќинот се издвои Циндриќ со осум погодоци.
Вардар во наредното 6 коло на 3 ноември ќе му биде домаќин на Мешков Брест.Во пресрет на тој дуел, нашиот тим заедно со Барселона и Киелце се наоѓа на делба на првото место. Сите три екипи имаат по осум бодови.