Ракометарите на Вардар денес го играат првиот натпревар во новата сезона од регионалната СЕХА лига. На домашен терен ќе го пречкаат тимот на Нексе од Нашице, а последниот дуел меѓу овие два тима заврши во полза на хрватскиот тим. Екипата предводена од Бранко Тамше тогаш славеше на домашниот натпревар во март минатата година, а сега ќе се обиде да го изненади Вардар во СЦ „Јане Сандански“.
На клупата на Вардар ќе дебитира Давид Дејвис откако се врати во клубот и го замени Веселин Вујовиќ, кој си замина поради лошите резултати во тековната сезона. „Црвено-црните“ се надеваат дека ќе го поправат впечатокот во вториот дел од сезоната и ќе ги исполнат своите планови и желбата на навивачите.
Вардар е фаворит на оваа средба, но малиот број на тренинзи во комплетен состав оставаат доза на голема предпазливост во редвоуте на „црвено-црните“. Натпреварот се игра денес со почеток од 18:00 часот и ќе биде најава за останатите натпревари во регионалната лига.