Двократниот европски ракометен шампион Вардар вечерва од 18:45 часот во Лисабон ја почнува главната фаза од натпреварите во ЕХФ Европската лига. На гостувањето кај Бенфика „црвено-црните“ се надеваат на старт со победа и нови два бода во трка за пласман во нокаут-фазата.
Вардарци во оваа фаза доаѓаат со два бода, а Португалците влегоа без бодови. Бенфика пред своите гледачи ќе се обиде да дојде до првите бодови, со оглед на тоа што веќе ја доби и улогата на благ фаворит.
Лидерот во нашето првенство во мечот влегува и со неколку повратници и нови ракометари со надеж дека уште во првиот европски дуел оваа година ќе слави.

