Европскиот ракометен првак Вардар се врати со оппбеда од Кил,а овој резултат иако го радува секој љубител на ракометот во нашата земја, сепак и не остава простор за многу опуштање. Токму така размислува и стратегот на Вардар Раул Гонзалез кој победата во „Шпаркасе Арена“ стои цврсто на земја и вели дека ништ не е решено и треба да се биде внимателен во реваншот.
„Многу сум среќен за оваа наша победа, затоа што не е лесно да се игра во ваква сала. Првото полувреме беше приближно перфектно од наша страна, додека во вториот дел имавме и малку среќа. Победивме, но ова беше само едно полувреме од битката со Кил за Ф4 во Келн. Германците имаат квалитет да победат на гостински терен и затоа мора да бидеме внимателни“, изјави Гонзалез.
Ракометарот на нашата екипа Жоан Канељас, по триумфот кај Кил истакна дека е среќен за победата, но истовремено и потенцираше дека не смее во реваншот да се влезе растеретено.
„Среќен сум што успеавме да победиме, имавме одлична игра во првото полувреме. Во вториот дел имавме големи проблеми и Кил се врати во натпреварот, но потоа реагиравме, се вративме и ние и задоволен сум како заврши натпреварот. На реванш натпреварот во Скопје сѐ може да се случи, овој резултат не нѐ прави фаворити, затоа мора да играме како да е тоа натпфревар во кој ни е потребна победа и да се однесуваме така на теренот“, изјави Канељас.
Реванш натпреварот Вардар – Кил се игра следната недела (29.април) со почеток во 17.00 часот во СЦ „Јане Сандански“ кој е веќе распродаден за оваа средба.