Репрезентативецот Мартин Велковски кој настапува зе екипата на Еурофарм Пелистер смета дека тимот драстично ја подобри формата за разлика од од првиот дуел против Ним кој го играа во Битола.
„Мислам дека нè чека тежок натпревар, бидејќи Ним е квалитетна екипа и тоа го покажа низ Европската лига. Мислам дека ќе биде поразличен натпревар од оној во Битола. Тогаш ние влегувавме во форма, а тие беа во врвот на нивната игра. Сега мислам дека играат малку послабо. Детално ги анализираме, еве вчера играа натпревар од француската лига. Мислам дека постои шанса, бидејќи играме добро и сме се подобри и подобри и се надевам дека ќе ја продолжиме нашата серија.
Мислам дека заслужено ја направивме залихата во групата, бидејќи навистина добро игравме. Ни следат и домашни натпревари во Европската лига, целиме на победи и на тие натпревари и се надеваме на подобар пласман на минатогодишниот во групната фаза.
Дуелите со Партизан и Бутел беа добра подготовка. Видовме како е да се игра под притисок. Непосакуван беше натпреварот во Бутел, но густ е распоредот и одеднаж ни дојдоа многу натпревари. Можеби тоа нè разбуди и мораме да бидеме подобри и не смее да дојде до опуштање“, рече репрезентативниот десен бек Велковски. Натпреварот Ним – Еурофарм Пелистер кој е дел од Европската ракометна лига се игра утре со почеток во 18.45 часот.