Македонската ракометна репрезентација вечерва во Злин од 20.15 часот ќе се игра првиот од двата натпревари против селекцијата на Чешка во баражот за пласман на следното Светско првенство кое ќе се одржи во Полска и Шведска од 11 до 29 јануари 2023 година.
Нашите ракометари вчера пристигнаа во Злин, а денеска ќе ја подготвуваат стратегијата за дуелот кој ќе го судат турските арбитри Курсад Ердоган и Ибрахим Оздениз.
Селекторот Лазаров е свесен дека Чешка е подобра од Романија која ја елиминиравме во минатиот двомеч, но најави дека тоа не значи ништо во една ваква клучн апресметка.
Ондреј Здрахала, првиот човек на чешкиот ракомет во интервју за чешките медиуми, уште вчера најави дека Македонија е силен тим, но тој очекува Чешка да заигра на Мундијалот.
„Македонија е наш „традиционален“ противник кој сè уште не сме го победиле во квалификации. Сега верувам дека на хартија сме фаворити. Македонија е предводена од легендарниот Кирил Лазаров. Можеби не е истата репрезентација од 2015 година, но сè уште е непријатен противник“, вели Здрахала.
Македонија ги загуби последните два меча против Чешка кои ги одигравме во рамките на европските пренства во 2018 и 2020 година.