Сосема очекувано Зајон Вилијамсон е избран за прв пик на овогодинашниот НБА драфт. Младиот крилен кошаркар кој настапуваше за екипата на Дјук, беше избран од страна на Њу Орлеанс Пеликанс, кои имаа среќа на лотаријата да го добијата првиот пик, а тоа беше токму Зајон Вилијамсон.
With the 1st pick of the @NBADraft, the @PelicansNBA select @Zionwilliamson!#NBADraft 2019 presented by State Farm pic.twitter.com/oGm365qGF7
— NBA (@NBA) June 20, 2019
18-годишникот кошаркар минатата сезона во тимот на Дјук имаше просек од 22,6 поени и 8,9 скока по натпревар. Како втор пик, од страна на Мемфис беше избран Џа Морант, кои изминатите две сезони настапуваше за екипата на Мареј Стејт. Третиот избор за пик на драфтот го имаше Њујорк Никс, а тие се одлучија за Канаѓанецот Еј Џеј Барет кој исто така играше за Дјук.
Останатите кошаракри кои се најдоа во Топ 10 на драфтот беа: Деандре Хантер (Атланта), Даријус Гарланд (Кливленд), Џерет Калвер (Минесота), Коби Вајт (Чикаго), Џексон Хејс (Њу Орлеанс), Руи Хачимура (Вашингтон) и Кем Редиш (Атланта).