Многу земји на стариот континент одлучија да ги завршат ракометните шампионати во своите земји, а денес тоа го направи и Франција.
Една од најквалитетни лиги во Европа, се одлучи да ја спушти завесата на сезоната 2019/20, без можност за продолжување за време на летото, како што најавуваат од фудбалските лиги.
Француската ракометна лига и официјално означи крај на сезоната и го назначи лидерот до пред прекинот, ПСЖ предводен од Раул Гонлзаез за нов шампион. Со 35 бода екипата на поранешниот македонски селектор е единствена непоразена и лидер во шампионатот на Франција. Капитенот на нашата репрезентација Кире Лазаров со Нант стана вицешампион со 29 освоени бода, а покрај, Нант, уште и Ним, Монпелје и Тулуз, обезбедуваат пласман во европските клупски натпреварувања.
Донесена е одлука сезонава да нема испаѓање од елитното друштво, а следната сезона елитната лига да се зголеми за два тима, со влегувањето на Сесон и Лимож како најдобри екипи до пред прекинот во втората лига.