Формула 1 трката за ГН на Русија донесе многу возбуда, а на крајотпобедата му припадна на Луис Хамилтон.
Мерцедес со одлична тактика му овозможи на својот возач да ја слави победа број 100 во кариерата. Јубилејниот триумф му донесе прво место во генералниот пласман, доедека Макс Верстапен е сега втор. Верстапен мораше денес да се задоволи со второто место.
Ландо Норис со Мекларен водеше во поголемиот дел од трката, но сепак на крај немаше сили да му се спротистави на големиот фаворит Хамилтон.
Дождот направи големи проблеми во последните нелколку круга. Норис одлучи да остане на патеката, а Хамилтон отиде во бокс и ги промени гумите за влажна патека. Истото го направи и Верстапен па на крајот среќно стигна до втората позиција. Место на подиумот имаше и за Карлос Саинц од Ферари,додека понатаму следуваа Даниел Рикиардо и Валтери Ботас.