Кинеската скијачка Ајлин Гу ја освои титулата во слободно скијање во дисциплината Биг Ер на Зимските олимписки игри во Пекинг. Таа утрово ја победи конкуенцијата предводена од Французинката Тес Ледо и Швајцарката Матилде Жермо кои исто така се искачија на победничкиот подиум.
18-годишната Гу родена во САД, со одличен настап во третата серија стигна до златото, со што од третата позиција се искачи на првата, славејќи со 188,25 поени, 0,75 повеќе од главниот фаворит Ледо, инаку трикратна победничка на X-Games.