Суперѕвездата на Вашингтон Капиталс, Александар Овечкин, стана само вториот играч во историјата на НХЛ лигата кој постигнал 1.000 голови во кариерата, вклучувајќи ги регуларната сезона и плејофот, приклучувајќи се кон легендарниот Вејн Грецки.
40-годишниот Овечкин го надмина Грецки за најмногу голови во регуларната сезона во историјата на НХЛ на 6 април 2025 година, со гол број 895. Вејн Грецки останува лидер со 1.016 голови, од кои 894 во регуларната сезона и 122 во плејофот.

Овечкин стигна до извонредната бројка од 1.000 голови во третиот период против Колорадо во натпревар од НХЛ, израмнувајќи го резултатот на 2:2. Колорадо го доби натпреварот со 3-2 во продолжението.
Руската легенда има 26 голови и 27 асистенции во 70 натпревари оваа сезона. Во текот на својата кариера, Овечкин има 1.676 поени (923 гола, 753 асистенции) во 1.562 натпревари од регуларната сезона. Во плејофот има 147 поени (77 гола, 70 асистенции) во 161 натпревар.

