Сите 63-ца атлетичари на Австралија се ставени во карантин поради контакт со заразен со корона-вирус, објави Олимпискиот комитет на земјата.
– Членовите на австралискиот атлетски тим на Олимпијадата во Токио се изолирани во собите како мерка на претпазливост откако еден член на американскиот атлетски тим беше позитивен на корона-вирус“ – стои во дел од соопштението. Сите атлетичари од Австралија ги направија тестовите за КОВИД-19 во согласност со протоколите и сега ги чекаат резултатите.
Австралијците влегоа во карантин откако Кертис Маршал имал контакт со двократниот светски шампион во скок со стап, Сем Кендрикс од САД, кој доби позитивен тест.