Кошаркарите на Јута Џез продолжуваат да воодушевуваат со своите настапи во плеј-офот во НБА лигата. Синоќа момците од Солт Лејк Сите славеа на вториот меч од полуфиналето на Западот против Хјустон и тоа на гости со 116-108 и израмнија во серијата на 1-1.
Јута одигра одличен меч на тимски план, а одлично ги служеше и шутот. Веќе во втората четвртина направија предност од 19 поени, по што следуваше враќањето на домашните со одличниот Харден кој постигна 17 поени во втората четвртина од средбата. Рокетс играа добро и во продолжението и се потрудија да дојдат до комплетен пресврт, но во одлучувачките 12 минути немаа решение за неверојатниот Џо Иглс, кој повторно ја врати Јута на +12 и на крајот и обезбеди победа.
Следните две средби се играат на теренот на „Џезерите“.