Трката за Големата награда на Саудиска Арабија влезе во календарот на Формула 1 во 2021 година, кога беше претпоследна во календарот, а веќе оваа година беше промовирана како втора трка во сезонскиот календар.
Големата награда на Саудиска Арабија следната година повторно ќе биде втора од почеток на сезоната, но во 2024 година сезоната ќе започне токму во Џеда, бидејќи организаторите на трката побараа истата да се одржи пред почетокот на Рамазан, кој во 2024 година ќе биде од 10 март до 8 април.
Ова практично гарантира дека сезоната 2024 ќе започне на почетокот на март, а најверојатниот точен датум за Големата награда на Саудиска Арабија е 3 март.
Оригиналниот план на сопствениците на Ф1, Либерти Медиа, беше сезоната 2024 да започне со Големата награда на Австралија, која помеѓу 1996 и 2019 година беше традиционално прва трка во годината, освен во 2006 и 2010 година кога Бахреин беше домаќин на првата рунда. Сепак, поради барањето на С. Арабија, организаторите на Австралиското ГП се согласија да се откажат од правото да ја отворат сезоната во 2024 година.