Кошаркарите на Феникс ја победија Јута со 115:109 во најинтересниот синоќешен меч од НБА лигата. Со оваа победа, Феникс ја постигна седмата последователна победа и дојде до 37-та победа сезонава со што го израмни рекордот на франшизата за најдобар старт на сезоната.
Девин Букер со 33 поени и Крис Пол со 27 поени ги предводеа „сонцата“ до новата победа.
Кошаркарите на Кливленд го победија Њујорк со 95:93 и ја постигнаа седмата победа во последните осум натпревари. Чикаго беше подобар од Оклахома со 111:110, додека кошаркарите на Њу Орлеанс ја совладаа Индијана со 117:113.