Светската автомобилистичка федерација го отфрли барањето на екипата на Ферари да ја преиспита казната на Себастијан Фетел од претходниот круг во Канада. Иако италијанскиот тим ги презентираше нови докази, тие биле одбиени со образложение дека нема основа да се преиспита настанот.
Ферари тврдеше дека има “неспорни” докази дека Фетел не ги прекршил правилата на патеката „Жил Вилнев“ кога доби казна од 5 секунди бидејќи според стјуардите имаше опасно враќање на патеката и на тој начин го блокирал Луис Хамилтон. На крајот, Британецот ја однесе победата. Сега меѓу доказите на Ферари беа вметнати податоците за телеметријата, како и повеќе слики и видеа на кои се гледа инцидентот заедно со сведочењето на Себастијан.
Стјуардите, сепак, утврдиле дека се тоа им било достапно на нивните колеги во Канада пред крајот на трката и дека нема причина да се менува нивната одлука.