Светскиот совет за моторспорт во рамките на ФИА ги одобри новите технички правила за погонските единици во Формула 1 кои ќе стапат на сила во сезоната 2026. Како што се очекуваше, групата мотор-генератори MGU-H повеќе нема да се користи, а болидите ќе трошат гориво од обновливи извори.
Пакетот правила, кој е услов за Audi и Porsche да влезат во Формула 1, е подготвен веќе неколку недели, но се верува дека е одложен поради консултациите со претседателот на ФИА, Мохамед бин Сулејем, кој лично се обврзал на почетокот на годината за прифаќање на промените.
Инаку, нема да има големи промени во моторот со внатрешно согорување – тој останува 1,6-литарски V6, но ќе работи со помал капацитет на гориво, при што придонесот на хибридниот систем во вкупната моќност ќе се зголеми на 50%, или еквивалент на 350 kW. Цените на погонските системи ќе се регулираат со воведување на лимит, кој стапува на сила од 1 јануари 2023 година.