Хамбург, најверојатно, ќе биде германскиот град кандидат за домаќин на Летните олимписки игри во 2040 година. Хамбург кој претходно беше попречен во својата кампања за ЛОИ во 2024 година, сега се натпреварува со Берлин, Лајпциг и Минхен како еден од германските кандидати за влез со кандидатура за организација на најголемиот спортски настан на планетата.
Официјалната одлука за тоа кој град ќе ја претставува Германија на изборот не се очекува да биде донесе пред есента 2026 година, но градовите уште сега почнаа со своите видео-презентации на кандидатурите.
Хамбург вчера објави специјално видео со тоа како ја замислува церемонијата на свеченото отворање, но и изградбата на низа инфраструктурни објекти, како пловечките платформи кои ќе го заменат стадионот, со мобилни, кружни трибини поставени на водата и структури дизајнирани за да бидат домаќини на парадата на спортистите, официјални говори и драматична сценографија. Наскоро се очекуваат и презентациите на другите германски градови кои сакаат да бидат организатори на оваа Олимпијада по 15 години.

