Луис Хамилтон очекувано дојде до победа на трката за ГН на Португалија и со тоа направи уште еден чекор кон новата шампионската титула во Формула 1 шампионатот.
Ова беше негова 92-ра победа во кериерата и со тоа успеа да избие на врвот во историјата на овој спорт со најмногу победи во кариерата. Зад себе го остави легендарниот Михаел Шумахер кој имаше 91 победа во кариерата, а се што ќе следи ќе биде историја за Хамилтон.

Хамилтон тргна прв на денешната трка, заедно со својот клупски колега, Валтери Ботас, доминираше во текот на целата трка и дојде до победа пред Ботас и третопласираниот Макс Верстапен, додека Чарлс Леклер заврши на четвртото место и по подолго време оствари задоволувачки резултат за Ферари.
Треба да се случи чудо до крајот на сезоната за Хамилтон повторно не биде најдобар во Ф1 шампионт. Следната трка за ГН на Емилиа Ромања е закажана за првиот ден од месец ноември.

