Спринтерката од Јамајка и петкратна олимписка шампионка Илејн Томпсон-Хера оствари најдобро време сезонава на трката на 100 метри на светскиот митинг во Калифорнија.
Томпсон-Хера победи во полуфиналната трка со време од 10,89 секунди, што беше нејзина прва трка на 100 метри на отворено оваа сезона. Спринтерката од Јамајка се откажа од финалето во кое триумфираше Американката Тваниша Тери со 10,77 секунди, но со недозволен ветер во грбот.
Габи Томас го постави најбрзото време во сезоната на трката на 200 метри. Освојувачката на олимписка бронза во оваа дисциплина победи со 22,02 секунди.