Основачот на Tesla и SpaceX, a сопственик на социјалната мрежа X, милијардерот Илон Маск, излезе со свој коментар за церемонијата на отворање на Олимписките игри во 2024 година во Париз.
„Ова беше бесрамно непочитување кон христијаните“, напиша Маск на социјалните мрежи.
Организаторите на свеченото отворање смислија продукција слична на „Тајната вечера“, во која наместо Исус и неговите ученици имаше жена со брада и мажи облечени како жени. На крајот од претставата, на сцената се појави практично гол маж во сина боја, кој го отсликуваше старогрчкиот бог Дионис.
Вчера во Париз се одржа свеченото отворање на Летните олимписки игри. Пламенот на Олимпијадата го запалија трикратната олимписка шампионка во атлетика Мари-Жозе Перек и трикратниот олимписки шампион во џудо Теди Ринер.

