Програмскиот менаџер во Формула 1 на Пирели, Марио Исола, призна дека иднината на италијанската компанија во спортот е неизвесна откако ќе истече договорот на крајот на 2024 година.
Пирели се врати во Формула 1 во 2011 година кога го замени Бриџстоун како единствен снабдувач со гуми. Поради пандемијата на коронавирус, изборот на нов добавувач на гуми беше одложен а договорот на Пирели беше продолжен до 2024 година. Самиот Исола потврди дека одлуката дали Пирели ќе остане во Формула 1 не е негова или на Пирели, туку на ФИА.
„Аукцијата обично започнува година и половина пред истекот на договорот и завршува половина година подоцна за новиот производител да има доволно време да се подготви. Се надеваме дека наскоро ќе започнеме да разговараме за нашата иднина со Формула 1“ – изјави Исола.