Женската хокеарска репрезентација на Канада е нов олимписки шампион. Канаѓанките им се реваншираа на Американките за поразот од пред четири години на Игрите во Пјонгчанг и сега успеаја да се закитат со златото.
Утрово во голема борба, Канада славеше со 3:2, а клучна се чини беше првата третина кога Канаѓанките направија предност од 2:0. Два гола за новите олимписки шампионки постигна Мари-Филип Пулен, а третиот беше дело на Сара Нурс. Хилари Најт и Аманда Кесел ги постигнаа головите за САД.