Макс Верстапен ќе стартува од пол-позицијата на трката за Големата награда на Лас Вегас, иако најбрзо време во квалификациите оствари Кими Антонели.
Возачот на Мерцедес постави време од 1:33.893 минути, но поради казна од пет места за промена на компоненти на погонската единица, ќе стартува дури од шестата позиција.
Верстапен, кој имаше второ најдобро време, така ја презеде првата стартна позиција, а покрај него од првиот ред ќе тргне Џорџ Расел. Ландо Норис ќе стартува трет, пред Исак Хаџар.
Најголемото разочарување го приреди Ферари. Шарл Леклер и Луис Хамилтон беа елиминирани уште во втората квалификациска сесија. Леклер ќе стартува од 10. позиција, а Хамилтон од 11. место. За италијанскиот тим ова е едно од најлошите квалификациски изданија во сезоната.
Дополнителна казна од десет стартни места доби и Оскар Пјастри, кој наместо од седмата, ќе тргне од 17. позиција.
За Верстапен ова е 51. пол-позиција во кариерата, а трката во Лас Вегас ветува интересна битка, особено поради дуелот со возачите на Мерцедес и Мекларен.

